Zubaida Apa's Totkay --Bartano ki Safai

• Taam cheeni k bartan chamkanay k liye neem garam pani main soap mila kar taam cheeni k batran ko aik ghantay ke liye bhigo den, iskay baad namak aur baking soda mila kar us se maanjh lijiye.
• Agar bartan jall jaye tou us main bohat si miqdaar main namak (salt) daal kar bartan ko 4 hours k liye chor dijiye,bad main namak aur powder mila kar manjh lijiye,bartan saaf ho jayega,agar bartan ka painda  bohat ziyada jala hua ho tou namak dalnay k baad 8 se 10 ghantay intezaar karen.
• Silver ( chaandi) k kaantay (fork) ko saaf karny k liye rassi ( rope) ko silver polish laga kar kinaaron k andar tak ragriye,chamak jayengay.
• Brass ( peetal) ke bartan saaf karny ke liye thori si imli pani main dal kar paka lijiye,us main thori si soft sand daal kar bartano par laga kar kuch dair ko rakh dijiye, baad main ragar kar saaf kar lijiye bartan chamak jayen gy.  
• Plastic k bartano ki peelahat khatam karny k liye un main meetha soda laga kar aik ghantay k liye kisi plastic ki thaili ya shopping bag main lapait kar rakh dijiye,uske bad leemoo aur sirka laga kar dho daliye.
• Plastic k bartano par haldi ka rang reh jata hay, usko saaf karny k liye baisan se ragar kar dho lijiye,haldi ka rang khatam ho jayega.
• Aluminum k bartno ko chamkany aur un se dhabbay door krny k liye 2 chamach tartar cream ( potassium hydrogen tartrate )aur 1 litre pani k mehlool main bartan dabo kar ubaal lijiye.
• Peetal( brass) ya tanbay ( copper) ki purani cheezon ki chamak wapas lanay k liye aik  pyaali sirkay ( vinegar) main 2 chamach namak ( salt) mila lijiye,abh is amezay main kapra bhigo kar us se peetal tanbay ki cheez ragar kar saaf kijiye .
• Plastic k barton ke daagh dhabbay door karny k liye sirkay (vinegar) main bohat sa namak ( salt) mila kar bartano ko is amezay se saaf  kijiye.